Չորեքշաբթի, 21 Փետրվարի 2024

USD401.97

EUR430.47

RUB4.30

Երևան 9 ℃

Рус Eng

«Եթե շարունակեք անգործության տրամաբանությունը, այս պրոցեսը չի դադարի». Տիգրան Ավինյան (ՏԵՍԱՆՅՈՒԹ)

Երևան

7 Փետրվարի, 11:50

Երևանի քաղաքապետ Տիգրան Ավինյանն իր ելույթում անդրադարձել է ավագանու 5 անդամի լիազորությունները վաղաժամկետ դադարեցնելու նախաձեռնությանը․

«Մենք որևէ մեկին ավագանու մանդատից չենք զրկում այն պատճառով, որ նրան չենք սիրում։ Մենք որևէ մեկին չենք զրկում մանդատից այն պատճառով, որ նա քաղաքային իշխանություններին շատ է քննադատում։ Մենք մանդատից զրկում ենք նրանց, որոնք ամենաշատը չեն մասնակցել քվեարկություններին։ Սա հստակ է»,- ասել է նա։

Անդրադառնալով ընդդիմադիրների՝ ավագանու նիստերը բոյկոտելու մասին հայտարարություններին, Ավինյանը նշել է. «Օրենքը հստակ է ասում՝ բոյկոտեք մինչև 50% քվեարկությունները։ Խնդրեմ՝ էն 50%–ը մասնակցեք։ Բայց բոյկոտի անձրևանոցի տակ անգործություն մի արեք, որովհետև ավագանու անդամ լինելը պարտականություն է»։

Նա նաև ասել է, թե իրենք չէին կարող ձեռքերը ծալած նստել ու նայել, թե ինչ է կատարվում․ «Ձեզ թվում էր, որ պետք է ասենք՝ ամեն ինչ արեք, տապալեք բոլոր նախագծերը, բոյկոտեք, ու մենք էլ, սենց, ձեռքներս ծալենք ու ասենք՝ վայ, մեր ընդդիմությունը հանկարծ չնեղանա։

Եթե ավագանու անդամն իր պարտականությունները չի կատարում, ինչո՞ւ չպետք է հանենք, ո՞վ է ասել, որ օրենքի տարբեր հոդվածներով մեզ տրված լիազորություններից չպետք է օգտվենք»։

Քաղաքապետը զգուշացրել է, որ եթե ավագանու անդամները շարունակեն անգործություն ցուցաբերել, նման նախաձեռնություններ էլի կլինեն. «Վենդետայի տրամաբանությունը որ փորձում եք առաջ քաշել, սա մի կոնկրետ տրամաբանություն ունի՝ եթե այս շարունակական բոյկոտը անգործություն դարձնելու տրամաբանության վերածելը չդադարի, էս պրոցեսը ևս չի դադարելու, ժողովուրդ ջան։ Անգործությունը չի կարող անընդհատ արդարացվել»։

Հետևեք մեզ Telegram-ում
Արման Գալոյան

Պտտվիր, պտտվիր կարուսել, ես քո երգը վաղուց եմ լսել

Radar Armenia

Տեղի ունեցածը ոչ սովորական իշխանափոխություն էր, ոչ էլ պարզունակ պալատական հեղաշրջում