Երևան
«Հորդորում եմ հանգստանաք ու նստեք ձեր տեղը». Փամբուխչյանը՝ ընդդիմադիրներին (ՏԵՍԱՆՅՈՒԹ)
Երևանի քաղաքապետի տեղակալ Արմեն Փամբուխչյանն ավագանու ընդդիմադիր խմբակցություններին, մասնավորապես, «Մայր Հայաստան» դաշինքին նախազգուշացրել է ելույթներում լինել կոռեկտ։
«Ամենայն պատասխանատվությամբ ասում եմ՝ ձեր խմբակցության անդամների ելույթները եթե դուրս կգան որոշակի տրամաբանությունից և մեխանիզմներից, շատ կոշտ պատասխան կստանան։ Եւ մեր քաղաքական լիդերի հետ կապված այլևս որևէ հեգնական, առավել ևս վիրավորական բան չլսենք այստեղ։ Սա այդ ամբիոնը չէ։ Ձեր մայր կուսակցությունը՝ «Հայաստան» դաշինքը ներկայացված է ԱԺ-ում։ «Հայաստան» դաշինքը երբեմն սկզբի ժամանակներում փորձում էր նման բաներ անել, բայց չի հաջողվել, և իրենք նույնպես հանգստացել, նստել են տեղները։ Ես ձեզ կոչ եմ անում ու ընկերաբար հորդորում եմ՝ ավագանու այս դահլիճում և քաղաքապետարանում հանգստանաք ու նստեք ձեր տեղը»,- ասել է նա։
