Կոնդի վերակառուցման ծրագիրը գործնական ընթացք է ստացել. Տիգրան Ավինյան
Երևան
15 Նոյեմբերի, 15:23
Երևանի քաղաքապետ Տիգրան Ավինյանը հայտնում է, որ Կոնդի վերակառուցման ծրագիրը գործնական ընթացք է ստացել։
«Սիրելի երևանցիներ, մայրաքաղաքի համար պատմամշակութային խոշոր արժեք ներկայացնող թաղամասի՝ Կոնդի վերակառուցման ծրագիրը գործնական ընթացք է ստացել:
Մեր նպատակն այսօր կոնդեցիների կողմից տարիներով տիրապետած տարածքների սեփականության իրավունքի գրանցումն ու կառուցապատման ծրագիր իրականացնելու ժամանակ կառուցապատողի, օտարողի հետ, սեփականության իրավունքների խախտման վերաբերյալ հնարավոր խնդիրների բացառումն է:
Գույքային միավորների օրինականացման համար արդեն իսկ ունենք քաղաքապետարան մուտքագրված 167 դիմում: Կոնդեցիների հետ քննարկեցինք ծրագրի ու թաղամասի վերակառուցման հայեցակարգի հետ կապված հարցեր:
Երկար սպասված այս նախագծի հիմքում դրված է մեկ նպատակ՝ պահպանելով պատմական թաղամասի ինքնատիպ կոլորիտը համատեղել քաղաքային միջավայրի նորն ու ավանդականը»,- այս մասին ասվում է քաղաքապետի «ֆեյսբուքի» էջում արված գրառման մեջ
