Սեպտեմբերի 1-ից ուժի մեջ է մտել շինարարական հրապարակները նորովի կահավորելու որոշումը. Տիգրան Ավինյան
Երևան
14 Նոյեմբերի, 10:50
Երևանի քաղաքապետ Տիգրան Ավինյանը «ֆեյսբուքի» իր էջով տեղեկացրել է, որ որ ուժի մեջ են մտել շինարարական հրապարակների կահավորման նոր որոշումը։
«Սիրելի երևանցիներ, սեպտեմբերի 1-ից ուժի մեջ է մտել շինարարական հրապարակները նորովի կահավորելու որոշումը. այսուհետ շինարարական կազմակերպությունները պարտավոր են կառուցապատումն իրականացնել բացառապես այդ նորմերով:
Անցնող երկու ամիսների ընթացքում շինարարական հրապարակների կահավորման պայմանները խախտելու դեպքերով կազմվել է ընդհանուր թվով 254 արձանագրություն:
Մեր ցանկացած նախաձեռնության հիմքում նախևառաջ երևանցու շահն է, քաղաքը նրանց համար մաքուր և բարեկարգ դարձնելը:
Անելու ենք ամեն ինչ, որ Երևանը դառնա մարդկանց համար քաղաք, և այդ ճանապարհին մեզ ոչինչ չի կանգնեցնելու»,- այս մասին ասվում է քաղաքապետի գրառման մեջ։
