Երևան
«Յանդեքս» քարտեզի միջոցով կարող եք տեսնել հասարակական տրանսպորտի տեղաշարժը
Երևանի բնակիչներն այժմ «Յանդեքս» քարտեզի միջոցով իրական ժամանակում կարող են տեսնել, թե ինչպես է տեղաշարժվում հասարակական տրանսպորտը: Այս մասին տեղեկացնում է Երևանի քաղաքապետարանը։
Հետևյալ 7 երթուղիները կահավորվել են անհրաժեշտ սարքավորումներով՝ N2, N25, N32, N34, N37, N61 և N77։ Անհրաժեշտ է բջջային հավելվածով բացել «Յանդեքս» քարտեզը, որպեսզի տեսնեք, թե որտեղ է այդ պահին գտնվում անհրաժեշտ երթուղու ավտոբուսը, սեղմելով «կանգառներ» նշանին՝ կարող եք տեղեկանալ նաև, թե փոխադրամիջոցը քանի րոպեից կհասնի ձեր կանգառ:
Տեղեկատվությունը թարմացվում է յուրաքանչյուր 30 վայրկյանը մեկ: Առաջիկա 2 ամսում 50 երթուղիների տարբեր տեղատարողության ավելի քան 500 ավտոբուսներ ու տրոլեյբուսներ կվերազինվեն անհրաժեշտ տեխնիկական միջոցներով: Համակարգի թվայնացմանը զուգահեռ երևանյան ավտոբուսներում հասանելի կլինի նաև անվճար wi-fi ծածկույթ՝ ինտերնետ հասանելիությամբ. yerevanmunicipality:
