Բաշինջաղյան փողոցի 188,192, 196 և 198 շենքերի ջեռուցման համար լոկալ կաթսայատներ կկառուցվեն
Երևան
13 Սեպտեմբերի, 10:58
Աջափնյակ վարչական շրջանի Բաշինջաղյան փողոցի 188,192, 196 և 198 շենքերը ջեռուցելու և տաք ջրով ապահովելու համար կկառուցվեն լոկալ կաթսայատներ։ Այս մասին տեղեկանում ենք վարչական շրջանի «Ֆեյսբուքի» էջում արված հրապարակումից։
«Տարիներ շարունակ Բաշինջաղյան փ. 188, 192, 196 և 198 շենքերի բնակիչները բարձրացնում էին շենքերի գազաֆիկացման հարցը, որը տեխնիկապես անհնարին էր, քանի որ անվտանգության խնդիրները հնարավորություն չէին տալիս։
Վերջապես Երևանի քաղաքապետարանը շահագրգիռ կազմակերպությունների և նշված շենքերի բնակիչների հետ քննարկելով լուծման տարբերակները գտավ լուծում և այժմ իրականացվում է նախագիծ այդ շենքերը ջեռուցելու և տաք ջրով ապահովելու համար։ Այն կիրականացվի լոկալ կաթսայատներ կառուցելով»,- ասվում է հրապարակման մեջ։
