Շառլ Ազնավուրի արձանի տեղադիրքը կփոխվի, կհայտարարվի նոր մրցույթ։ Այս որոշման նախագիծը ավագանու նիստում ներկայացրեց Երևանի քաղաքապետարանի մշակույթի և տուրիզմի վարչության պետ Գոշ Սարգսյանը.
«Օգոստոսի 31-ին կայացած հանձնաժողովի նիստում ներկայացվեց բաց
մրցույթին մասնակցած 37 հայտ, որոնցից որևէ մեկը հավանության
չարժանացավ հանձնաժողովի կողմից: Բացի այդ, հանձնաժողովը, հաշվի առնելով մասնագիտական հանրույթի կարծիքը, միաձայն առաջարկեց իրականացնել նոր մրցույթ, ինչպես նաև դիտարկել հուշարձանը Շառլ Ազնավուրի անվան հրապարակում տեղադրելու հնարավորությունը»,- հայտարարեց Սարգսյանը։
Ըստ նրա՝ Ֆրանսիայի հրապարակում Շառլ Ազնավուրի հուշարձանի տեղադրումը հնարավորություն չի ընձեռնի արվեստագետի երկրպագուներին, արվեստասերներին, զբոսաշրջիկներին՝ մոտենալ արձանին կամ պատշաճ կերպով հարգանքի տուրք մատուցել։
