85 տարի առաջ մայրաքաղաքում տեղադրված «Կժով աղջիկը» քանդակն ամբողջությամբ վերականգնվել է: Նախագծով բարեկարգվել է նաև հուշարձանի հարակից տարածքը:
«Պատմական այն ժառանգությունը, որն ունի Երևանը, մեր ուշադրության կարիքն է զգում: Եվ, եթե տասնամյակներով այլ քաղաքականություն է վարվել, ապա դա չի նշանակում, որ 180 աստիճանով չպետք է փոխենք հիմա: Մենք շատ զգույշ պետք է վերաբերվենք այդպիսի արձաններին, մեր հուշարձան-շենքերին: Առհասարակ Երևանի պատմական ժառանգությանը պետք է վերաբերվել որպես սրբության»,- նշել է փոխքաղաքապետը:
Նշենք, որ վերջերս Երևանի ավագանու որոշմամբ Նորքի 13-րդ փողոցը` նրբանցքով, անվանակոչվեց հայ քանդակագործ Այծեմնիկ Ուրարտուի պատվին, ով այս քանդակի հեղինակն է։
