Երևան
«Ամեն օր տուգանե՛ք». Տիգրան Ավինյանը հանձնարարեց խիստ գտնվել շինարարական նորմերը խախտողների նկատմամբ (ՏԵՍԱՆՅՈՒԹ)
«Իհարկե, ուշացումով, բայց մեծ մասը արդեն պատվիրել ենք, և սկսվել է ցանցերի տեղադրման գործընթացը։ Չնայած, արդեն երկու ամիս ժամանակ էինք տրամադրել դրա համար», - հայտարարեց Երևանի քաղաքապետարանի քաղաքաշինության և հողի վերահսկողության վարչության պետ Յակով Ասատրյանը՝ անդրադառնալով շինհրապարակների կահավորման պայմաններին։
«Մեր նախնական մոնիտորինգը վկայում է, որ մինչև սեպտեմբերի վերջ լավ արդյունքներ կունենանք»,- նշեց Ասատրյանը։
«Նախկինում ընդունված է եղել նախընտրական շրջանում ավելի մեղմ գտնվել և մարդկանց քիչ տուգանել։ Ես, հակառակը, հորդորում եմ ավելի շատ տուգանել։ Փորձը ցույց է տալիս, որ շատ սուբյեկտներ այս շրջանն օգտագործում են տարբեր ապօրինություններ իրականացնելու համար»,- ընդգծեց Տիգրան Ավինյանը։
Ըստ Ավինյանի՝ եթե կա շինարարական նորմերի խախտում, պետք է ամեն օր տուգանել․ «Եթե չկան ցանցերը, որի մասին ամեն օր խոսում ենք, ամեն օր տուգանեք։ Երբ չկա համապատասխան կահավորումը, կապ չունի՝ ինչ կարևորության աշխատանք է արվում․ գնացե՛ք և տուգանե՛ք»,- հանձնարարեց Տիգրան Ավինյանը։
