Երևան
«Գլխավոր մուտքը պատշաճ ձևով կահավորված է, բնակիչները լրացուցիչ մուտք են ուզում». Անդրանիկ Ավետիսյանը՝ Օլիմպիական հերթափոխի քոլեջի մասին (ՏԵՍԱՆՅՈՒԹ)
Տեղի է ունեցել Երևանի քաղաքապետարանի հերթական գործակարգավարական խորհրդակցությունը։ Քաղաքապետի պաշտոնակատար Լևոն Հովհաննիսյանը հայտնեց, որ Բ-3 թաղամասում կա համայնքապատկան սպորտդպրոց, որի մուտքի հետ կապված կա խնդիր, և երեխաները ստիպված պետք է հավելյալ ճանապարհ անցնեն։ Նա հետաքրքրվեց պատասխանատուներից, թե ինչի մասին է խոսքը, և ինչ պետք է անել։
«Օլիմպիական հերթափոխի քոլեջն է։ Գլխավոր մուտքը պատշաճ ձևով կահավորված է։ Բնակիչները լրացուցիչ մուտք են ուզում, որը նախկինում բաց է եղել։ Տնօրենը պատճառաբանում է, որ այդ մուտքով բնակիչները ներս են մտել ու խաթարել դպրոցի բնականոն աշխատանքը։ Այդ պատճառով էլ այն փակվել է»,- ընդգծեց Մալաթիա-Սեբաստիա վարչական շրջանի ղեկավարի տեղակալ Անդրանիկ Ավետիսյանը։
Լևոն Հովհաննիսյանը հանձնարարեց այցելել դպրոց և տեղում ծնողներից և երեխաներից պարզել նոր մուտք բացելու անհրաժեշտությունը, և եթե վերահստատվի դրա կարևորությունը, իրականացնել այդ աշխատանքները կարճ ժամկետում։
