Մոսկվայի փոխքաղաքապետի հրավերով՝ Երևանի մետրոպոլիտենի գլխավոր տնօրենը ՌԴ-ում է

Կարեն Դեմիրճյանի անվան Երևանի մետրոպոլիտենի գլխավոր տնօրենի ժ/պ Բաբկեն Սեդրակյանն մեկնել է Ռուսաստանի Դաշնություն։
Մոսկվայի կառավարությունում Մոսկվայի քաղաքապետի տեղակալ Մաքսիմ Լիկսուտովի հրավերով Երևանի մետրոպոլիտենի գլխավոր տնօրենի ժ/պ Բաբկեն Սեդրակյանն մեկնել էր Ռուսաստանի Դաշնություն՝ մասնակցելու «Միջազգային տրանսպորտային գագաթնաժողով 2023»-ին։

Գագաթնաժողովը  նվիրված էր աշխարհի խոշորագույն երկրներում տրանսպորտի և թվային տեխնոլոգիաների զարգացմանը։ 
Գագաթնաժողովի ընթացքում  Եվրոպայի, Հարավարևելյան Ասիայի, Հարավային և Կենտրոնական Ամերիկայի, Մերձավոր Արևելքի և Աֆրիկայի տարբեր երկրների քաղաքների քաղաքապետերը, նախարարները, տրանսպորտի և տեխնոլոգիական ընկերությունների ղեկավարները ներկայացրել են տրանսպորտի ոլորտում լավագույն համաշխարհային փորձը։ 

Գագաթնաժողովի աշխատանքները շարունակվել են պանելային և կլոր սեղան-քննարկումներով, որտեղ Երևանի մետրոպոլիտենի գլխավոր տնօրենի ժ/պ Բաբկեն Սեդրակյանը ներկայացրել է Երևանի մետրոպոլիտենի աշխատանքները, թվային ցուցանիշները, տեսլականն ու ապագայի ծրագրերը։

Գագաթնաժողովի շրջանակներում մասնակից 60 երկրների ներկայացուցիչները շրջայց են կատարել Մոսկվայի մետրոպոլիտենի կայարանային համալիրներում և Էլ․ հավաքակայաններում, ծանոթացել ընթացիկ աշխատանքներին, վագոնային պարկին, ինչպես նաև 1935 թվականին արտադրված և մինչ այժմ շահագործվող շարժակազմերի աշխատանքներին։

Նմանատիպ նյութեր

Ա.Արմենակյան փողոցից մինչև Գ.Հովսեփյան 91 հասցե երթևեկությունը ժամանակավորապես սահմանափակված է

18 Սեպտեմբերի, 10:59

Մայրաքաղաքի Նորք-Մարաշ վարչական շրջանի հ.61 հիմնական դպրոցի կոյուղատար համակարգը վերակառուցելու նպատակով քանդման աշխատանքներ են իրականացվելու Գ.Հովսեփյան փողոցում (Ա.Արմենակյան փողոցից մինչև Գ.Հովսեփյան 91) հասցե ընկած ճանապարհահատված):

Առանձին շրջաններում սպասվում են տեղումներ

16 Սեպտեմբերի, 9:00

Քամին հարավ-արևմտյան է՝ 2-4 մ/վրկ, ամպրոպի ժամանակ սպասվում է քամու ուժգնացում 17-20 մ/վրկ արագությամբ։ Օդի ջերմաստիճանն աստիճանաբար կբարձրանա 2-4 աստիճանով։

Բարեկարգվել է Լյուքսեմբուրգի 13 շենքից Լյուքսեմբուրգի 1-ին նրբանցք բակային տարածքը (ՏԵՍԱՆՅՈՒԹ)

15 Սեպտեմբերի, 15:13

Բարեկարգվել է Նոր Նորք վարչական շրջանի 6-րդ զանգվածի Լյուքսեմբուրգի 13 շենքից Լյուքսեմբուրգի 1-ին նրբանցք բակային տարածքը։