Երևան
Հուսով եմ՝ վաղ թե ուշ մեր ավտոմեքենաներից տեղափոխվելու ենք դեպի հարմարավետ ավտոբուսներ. Տիգրան Ավինյան (ՏԵՍԱՆՅՈՒԹ)
«Ներկայումս իրականացվում է Գարեգին Նժդեհ փողոցի երթևեկության կազմակերպման փոփոխությունների մշակման աշխատանքներ, որը նախատեսում է նշված փողոցում առանձնացված ավտոբուսային գծի ներդրում։ Այս փողոցը նախատեսված է նշված հատվածով 21 երթուղիների սպասարկմամբ և ինտենսիվությամաբ». այս մասին այսօր գործակարգավարական նիստում հայտարարեց Տրանսպորտի վարչության պետ Վազգեն Հարությունյանը։
Ըստ Հարությունյանի՝ առաջիկա շաբաթներին կմշակվի տվյալ հատվածով անցնող երթևեկության սխեման, կսկսեն իրականացվել գծանշման աշխատանքներ և համապատասխան կահավորումը՝ ճանապարհային նշաններով։
«Հասարակական տրանսպորտին տալիս ենք առավելություն մարդատար մյուս ավտոմեքենաների նկատմամբ։ Սա է այն ճանապարհը, որով պետք է հասարակական տրանսպորտը զարգանա։ Տրանսպորտը պետք է լինի ամենաարագ տեղաշարժվողը։ Հուսով եմ՝ շատերս շատ շուտով մեր ավտոմեքենաներից տեղափոխվելու ենք դեպի հարմարավետ և առանձնացված գծերով երթևեկող, օնլայն վճարումներ ընդունող ավտոբուսներ»,- ավելացրեց Տիգրան Ավինյանը։
