Երևանում կայացել է Առողջապահության համաշխարհային կազմակերպության և Եվրամիության կազմակերպած ենթատարածաշրջանային հանդիպումը, որի նպատակը Հայաստանում կրթական միջոցառումներով երեխաների պատվաստումների կարևորությանը միտված փորձնական ծրագրի ներդրումն է:
Ողջունելով ներկաներին Երևանի քաղաքապետի առաջին տեղակալ, քաղաքապետի պաշտոնակատար Լևոն Հովհաննիսյանի անունից՝ քաղաքապետարանի աշխատակազմի առողջապահության վարչության պետի պաշտոնակատար Դավիթ Կարապետյանը նշել է, որ Երևանի քաղաքապետարանը մշտապես պատրաստ է աջակցել նման նախաձեռնություններին: Անդրադարձ է եղել նաև այս ծրագրի կարևորությունը՝ իմունացման և առողջ ապրելակերպի գաղափարը առողջապահական և կրթական ոլորտների համագործակցությամբ դպրոցներում ներդնելու տեսակետից:
Հանդիպմանը մասնակցել են նաև Մոլդովայի, Ուզբեկստանի, Ղազախստանի, Վրաստանի, Ղրղզստանի, Թուրքմենստանի ոլորտային ներկայացուցիչները:
