Երևան
Շուտով կսկսվեն Լենինգրադյան փողոցի մայթային տարածքի ամբողջական սալիկապատման աշխատանքները
Աջափնյակ վարչական շրջանի ղեկավար Կամսար Բաբինյանը, Երևան քաղաքի ավագանու անդամ Նաիրա Խառատյանը, վարչական շրջանի ղեկավար կազմի և բաժինների ղեկավարների հետ միասին իրականացրել են հերթական շրջայցը` տարբեր հասցեներով:
Շրջայցի ընթացքում վարչական շրջանի ղեկավարը հանդիպել է այգեպաններին, ովքեր կատարում էին բակային տարածքների և այգիների մաքրման աշխատանքներ: Հանդիպումներ են եղել նաև բնակիչների հետ, ովքեր վարչական շրջանի ղեկավարին ներկայացրել են տարաբնույթ հարցեր, խնդիրներ:
Բնակիչների կողմից նաև հնչել են շնորհակալական խոսքեր` համայնքը էապես բարեկարգելու և մաքրությունը ապահովելու համար։ Ղեկավար կազմը հետևել է նաև Շինարարներ փողոցում իրականացվող աշխատանքների ընթացքին,
վարչական շրջանի ղեկավարի կողմից տրվել են հանձնարարականներ։
Նշվում է, որ շուտով կսկսվեն Լենինգրադյան փողոցի մայթային տարածքի ամբողջական սալիկապատման աշխատանքները։
