Երևան
«2025թ․ ավարտին Երևանում չհիմնանորոգված մանկապարտեզ չի լինելու». Տիգրան Ավինյան
«Երևանում այս տարի շահագործման է հանձնվելու 22 հիմնանորոգված մանկապարտեզ», - այսօր Երևանի ավագանու նիստում հայտարարեց Երևանի փոխքաղաքապետ Տիգրան Ավինյանը։
«Հաջորդ տարի Երևանի քաղաքապետարանը պլանավորում է շահագործման հանձնել 33 հիմնանորոգված մանկապարտեզ։ Պլանավորվում է ևս 4 նոր մանկապարտեզ կառուցել սեփական միջոցներով։ Դրանից հետո Երևանում մնալու է ընդամենը 35 չհիմնանորոգված մանկապարտեզ։ 2025թ․ ավարտին Երևանում չհիմնանորոգված մանկապարտեզ այլևս չի լինի։ Այս ծավալի աշխատանք ՍՍՀՄ տարիներից ի վեր Երևանի մանկապարտեզներում ուղղակի չի իրականացվել»,- ասաց Տիգրան Ավինյանը։
Անդրադառնալով այգիների հարցին՝ նա նշեց, որ քաղաքում դրել են քաղաքական նպատակ՝ բոլոր հնարավոր այգիների տարածքները բարեկարգել, կանաչապատել, մաքրել հին կրպակներից, սրճարաններից, շինություններից․ «Հետևողականորեն այս ծրագիրն իրականացնում ենք»։
