Երևանի փոխքաղաքապետ Տիգրան Ավինյանը տեղեկացրել է, որ ծրագրել են հիմնանորոգել Նոր Նորք վարչական շրջանի սբ․ Սարգիս եկեղեցու և Դավիթ Բեկ փողոցի միջնամասի այգին. «Այս այգու առումով ամենահետաքրքիր մասն այն է, որ կասկադի կառուցում է լինելու՝ թամանյանական նախագծի մոտիվներով, մոտավորապես 1.4 հա տարածք կանաչապատվելու է»։
Ավինյանը տեղեկացրել է, որ բարեկարգվելու է սբ․ Գրիգոր Լուսավորիչ եկեղեցու շրջակա տարածքը. «Այս ծրագրերը, որ եկեղեցու հետ են կապված, Մայր Աթոռում քննարկել ենք վեհափառի հետ և իր համաձայնությունն ենք ստացել»,- ասել է նա։
