Տիգրան Ավինյանն այցելել է Երքաղլույս ՓԲԸ. քննարկվել է ամբողջ քաղաքի ցանցը էներգախնայող լուսատուներով փոխարինելու հարցը (ԼՈՒՍԱՆԿԱՐՆԵՐ)

Երևանն առաջին հերթին մարդիկ են, ովքեր տարիներ շարունակ ջանք ու եռանդ են դնում քաղաքի ու քաղաքացիների խնդիրները լուծելու գործում: Այս մասին իր «Ֆեյսբուքի» էջում գրել է Երևանի փոխքաղաքապետ Տիգրան Ավինյանը։

«Երևանի քաղաքապետարանն առաջին հերթին մարդիկ են, ովքեր տարիներ շարունակ ջանք ու եռանդ են դնում քաղաքի ու քաղաքացիների խնդիրները լուծելու գործում:

Երևանի Երքաղլույս ՓԲԸ-ում նույնպես ամեն օր աշխատում են գործին նվիրված մասնագետներ, ում շնորհիվ երևանյան երեկոներն այդքան լուսավոր են և ջերմ:

Այդպիսին է նաև վարպետ Մամիկոնը՝ մեր քաղաքի լուսավորման ցանցի կառավարման վահանակի սպասարկման միակ և անփոխարինելի մասնագետը, ով արդեն 20 տարի պահպանում է մեր քաղաքի լույսը: Չնայած հարազատների՝ իրենց մոտ՝ ԱՄՆ տեղափոխվելու հորդորներին՝ Մամիկոնը բավարարվում է ժամանակ առ ժամանակ նրանց այցելելով, և միշտ վերադառնում է հարազատ քաղաքին լույս տալու պատասխանատու գործին:
Շնորհակալ եմ Մամիկոնից և մեր մյուս գործընկերներից իրենց լուսավոր տեսակի համար:

Երքաղլույս ՓԲԸ այցի ժամանակ քննարկեցինք նաև գիշերային մշտական լուսավորության, ամբողջ քաղաքի ցանցը էներգախնայող լուսատուներով փոխարինելու, ցանցի կառավարման վահանակի արդիականացման, սյուների և մալուխային ցանցի կարգավորման հարցեր, ինչպես նաև Երքաղլույսի շենքային և աշխատակիցների վարձատրման պայմանները»,- գրել է Տիգրան Ավինյանը։ 

Նմանատիպ նյութեր

«Լինելու է արդար մոտեցում». Տիգրան Ավինյանն այցելել է Արցախի 4-րդ նրբանցքի վթարային շենքեր (ՏԵՍԱՆՅՈՒԹ)

Երեկ, 20:52

Գնման վկայագրերով հնարավոր կլինի բնակարաններ գնել ինչպես ժամանակին կառուցված, այնպես էլ նորակառույց շենքերում։ Տիգրան Ավինյանը խնդրի համալիր լուծման հարցում ակնկալում է բնակիչների՝ համայնքի հետ համագործակցված աշխատանքը։

Մալաթիա-Սեբաստիա վարչական շրջանում մի շարք շենքերի բակեր բարեկարգվել են

31 Մարտի, 20:54

Նշված հասցեներում կառուցվել է արտաքին լուսավորության նոր ցանց: Աշխատանքները կրելու են շարունակական բնույթ:

Երևանի յուրաքանչյուր վարչական շրջան պետք է ունենա պատշաճ կոմունալ ենթակառուցվածքներ և բարեկարգ միջավայր

31 Մարտի, 19:37

Նուբարաշենցիների հետ հանդիպումն անցավ շատ ջերմ և անմիջական մթնոլորտում: Այստեղ հատկապես զգացվում է համայնքի ուշադրության կարիքը բնակիչների և նրանց խնդիրների նկատմամբ: