Երևանի փոխքաղաքապետը հանդիպել է Լիոն քաղաքի պատվիրակությանը

Երևանի քաղաքապետի առաջին տեղակալ Լևոն Հովհաննիսյանը հանդիպել է Ֆրանսիայի Լիոն քաղաքի պատվիրակությանը՝ «Ռոնի մասնագիտական կրթական կենտրոնի» (SEPR) նախագահ Քրիստիան Դրոզին, գլխավոր տնօրեն Վերոնիկ Ֆյուրլանին: Հանդիպմանը մասնակցել է նաև Երևանում գործող «Ֆրանս-հայկական մասնագիտական ուսումնական կենտրոն» հիմնադրամի տնօրեն Գոհար Գրիգորյանը:

2022թ. հունիսին Լիոնում ստորագրվել է փոխըմբռնման հուշագիր Երևանի և Լիոնի քաղաքապետարանների միջև, որով կողմերը համաձայնել են գործուն աջակցություն ցուցաբերել «Ֆրանս-հայկական մասնագիտական ուսումնական կենտրոնի» զարգացման ծրագրերին: Փաստաթուղթը հնարավորություն էր տալու նաև բարելավել կենտրոնի շենքային պայմաններն ու ընդունել ավելի մեծ թվով երիտասարդների՝ ստանալու ոչ միայն տեսական, այլև գործնական գիտելիքներ:

Լևոն Հովհաննիսյանը, ով նաև ուսումնական կենտրոնի հոգաբարձուների խորհրդի անդամ է, ընդգծել է, որ քաղաքապետարանը ԿԳՄՍ նախարարության հետ պատրաստ է լիազորությունների չափով նպաստել համատեղ նախաձեռնությունների իրագործմանը:

Ուսումնական կենտրոնում մասնագիտական կրթություն է ստանում շուրջ 200 սան:

Հյուրերը, որոնց թվում են նաև ճարտարապետ և ինժեներ, ներկայացրել են կենտրոնում սպասվող բարեփոխումները, մասնավորապես, մասնագիտական նոր լաբորատորիայի նախագիծը: Կթարմացվի նաև կրթօջախի նյութատեխնիկակական հենքը:

Նմանատիպ նյութեր

Մալաթիա-Սեբաստիա վարչական շրջանում մի շարք շենքերի բակեր բարեկարգվել են

Երեկ, 20:54

Նշված հասցեներում կառուցվել է արտաքին լուսավորության նոր ցանց: Աշխատանքները կրելու են շարունակական բնույթ:

Երևանի յուրաքանչյուր վարչական շրջան պետք է ունենա պատշաճ կոմունալ ենթակառուցվածքներ և բարեկարգ միջավայր

Երեկ, 19:37

Նուբարաշենցիների հետ հանդիպումն անցավ շատ ջերմ և անմիջական մթնոլորտում: Այստեղ հատկապես զգացվում է համայնքի ուշադրության կարիքը բնակիչների և նրանց խնդիրների նկատմամբ:

Երևանում մեկնարկել են 29 շատրվանի, 8 ջրավազան և ջրամբարի նորոգման և վերականգման աշխատանքները

Երեկ, 15:38

2023թ. ընթացքում երևանյան ջրային կառույցների՝ շատրվանների ու ջրավազանների անխափան գործունեությունն ապահովելու համար մեկնարկել են տարեշրջանի բացման նախապատրաստական աշխատանքները: