Հերթական գործակարգավարական նիստի ավարտին քաղաքապետը առաջարկեց ներկայացնել, թե ինչ փոփոխություններ են կատրվել քաղաքապետարանի «Թեժ գիծ» ծառայությունում։ Քաղաքապետը խնդրեց ներկայացնել, թե նախկինում ինչպես է աշխատել և ներկայումս ինչ փոփոխություններ են տեղի ունեցել։ Ծառայության միջոցով օրական միջինը 600 զանգ է ստացվում, այսօր՝ դրանցից 400-ին միանգամից պատասխանելու հնարավորություն է ստեղծվել, մյուսներին՝ պատասխանվում է հետադարձ կապի միջոցով: Բացի այդ, ներդրվել են ինչպես օպերատորների աշխատանքի գնահատման, այնպես էլ՝ որոշումների մասին ավտոմատ ծանուցման համակարգեր: