Երկուշաբթի, 26 Սեպտեմբերի 2022

USD412.03

EUR399.62

RUB6.58

Երևան 7 ℃

Рус Eng

Մենք պետք է խորապես վերանայենք մեր մոտեցումը եկամուտների հավաքագրման մասով (ՏԵՍԱՆՅՈՒԹ)

Երևան

23 Սեպտեմբերի, 12:06

Տիգրան Ավինյանն այսօր Երևանի քաղաքապետարանի առջև ծառացած խնդիրների լուծման երկու ուղղություն նշեց։

Պատասխանելով Երևանի ավագանու անդամ Տիգրան Գալստյանի հարցին, թե ինչպե՞ս է տեսնում Երևանի քաղաքապետարանի առջև ծառացած խնդիրների լուծումը՝ հաշվի առնելով քաղաքապետարանի բյուջեի համեստությունը, Ավինյանը խոսեց եկամուտների հավաքագրման մասին։

Ըստ նրա. «Թեև դա իմ համակարգման ոլորտը չի լինելու, այնուամենայնիվ, մենք պետք է խորապես վերանայենք մեր մոտեցումը եկամուտների հավաքագրմանը և ընդհանուր առմամաբ այլ տրամաբանություն և ռեֆորմներ իրականացնենք այդ ուղղությամբ»։

Անդրադառնալով Կառավարության, և այլ պետական մարմինների հետ աշխատանքին, Ավինյանը վստահեցրեց, որ այդ առումով քաղաքապետարանում մի նոր զինվոր ունեն, որը շատ երկար աշխատել է բոլոր այդ մարմինների հետ. «Ես վստահեցնում եմ ձեզ, որ մեր աշխատանքը որոշ առումով և Կառավարության, և մարմինների հետ բարելավվելու են»։

Ավինյանը մանրամասնեց, թե ո՞ր ոլորտներն է համակարգելու. «Դրանք հիմնականում հինգն են: Առաջին հերթին թաղապետարանների համակարգումն ու վերահսկումն է: Երկրորդը շինբարեկարգման բլոկն է, երրորդը՝ կանաչապատման, չորրորդը՝ մշակույթ, և, իհարկե, հաշվի առնելով իմ փորձը, նաև Կառավարության հետ աշխատանքը, իրականացվող խոշոր ծրագրերը, որտեղ, կարծում եմ, իմ ներդրումը դրական կլինի»։

Արման Գալոյան

Նրանց պետք է իշխանություն, թեկուզ՝ առանց պետության

Գոռ Մադոյան

Հավանական դաշնակցին սպասելիս կամ «զենքս գաղտնի թող մնա»