Երևան
Երևանյան լճի աջակողմյան հատվածում հանգստի գոտու կառուցման նպատակով քաղաքային բյուջեից հատկացվել է շուրջ 190 մլն դրամ
Այսօր Երևանի ավագանու նիստում քննարկվել և ընդունվել է Երևանի՝ 2022 թվականի լրամշակված բյուջեի նախագիծը, որի առանցքային կետերն են.
Կներկրվի 100 հատ 12 մետրանոց եվրոպական արտադրության ավտոբուս, նախագիծը կիրականացվի ՀՀ կառավարության և ՎԶԵԲ-ի աջակցությամբ:
Կտեղադրվի թվով 426 նոր վերելակ՝ նախորդ տարվա 54-ի համեմատ, քաղաքային բյուջեից կհատկացվի շուրջ 3.2 մլրդ դրամ:
Ձեռք կբերվի ժամանակակից 10 նոր տրոլեյբուս, քաղաքային բյուջեից կհատկացվի շուրջ 2 մլրդ դրամ:
Երևանյան լճի աջակողմյան հատվածում հանգստի գոտու կառուցման նպատակով քաղաքային բյուջեից հատկացվել է շուրջ 190 մլն դրամ, ինչպես նաև կկատարվեն տարածքի մաքրման աշխատանքներ:
Կկառուցվի մինի ֆուտբոլային 20 խաղադաշտ, քաղաքային բյուջեից հավելյալ հատկացվել է 140 մլն դրամ:
Շենգավիթ վարչական շրջանում կկառուցվի թենիսի 2 կորտ, քաղաքային բյուջեից հատկացվել է 61 մլն դրամ:
Կբարեկարգվի Կենտրոն վարչական շրջանում գտնվող Աբովյան պուրակը, քաղաքային բյուջեից հատկացվել է շուրջ 157 մլն դրամ:
Կհիմնանորոգվի Երևանի Մալաթիա-Սեբաստիա վարչական շրջանի hաղթանակի 40-ամյակի հուշահամալիրի այգին, կվերագործարկվեն շատրվանները:
Կարդիականացվի Աշտարակի խճուղու լուսավորությունը, քաղաքային բյուջեից հակտացվել է շուրջ 350 մլն դրամ:
Կտեղադրվի լրացուցիչ 28 հետիոտնային կանչի ռեժիմով աշխատող լուսացույց:
