ՌԴ նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենիամին Նեթանյահուի հետ։
Կրեմլի տարածած հաղորդագրության համաձայն՝ քննարկվել է Մերձավոր Արևելքում և Իրանում տիրող իրավիճակը։ Վլադիմիր Պուտինը ներկայացրել է տարածաշրջանում կայունության և անվտանգության ապահովման համար քաղաքական և դիվանագիտական ջանքերի ակտիվացման իր հիմնարար մոտեցումները։
Հաստատվել է Ռուսաստանի պատրաստակամությունը՝ շարունակել միջնորդական ջանքերը և խթանել կառուցողական երկխոսությունը բոլոր շահագրգիռ պետությունների մասնակցությամբ։
Կողմերը համաձայնել են շարունակել շփումները տարբեր մակարդակներում։
