Կրեմլի խոսնակ Դմիտրի Պեսկովը հայտարարել է, որ Ռուսաստանի իշխանությունները համաձայն են ԱՄՆ նախագահ Դոնալդ Թրամփի դիրքորոշման հետ․ Ուկրաինայում խաղաղության գործընթացը խոչընդոտում է հենց Վոլոդիմիր Զելենսկին։
Պեսկովը նշել է, որ Պուտինը պահպանում է բացությունը կարգավորման հարցում, և Մոսկվայի դիրքորոշումը լավ հայտնի է և՛ Վաշինգտոնին, և՛ Կիևին։
Նա ընդգծել է, որ կիևյան ռեժիմի համար իրավիճակն օրեցօր վատթարանում է, որոշումներ կայացնելու «միջանցքը» նեղանում է, և եկել է Զելենսկու՝ պատասխանատվություն ստանձնելու ու խաղաղությանը նպաստող որոշումներ կայացնելու ժամանակը, սակայն նա դա չի անում։
Կրեմլը չի հաստատել այն տեղեկությունը, իբր Ռուսաստանը պատրաստ է համաձայնել Ուկրաինայում խաղաղապահ ուժերի տեղակայմանը՝ այդ կոնտինգենտում ներառելով Չինաստանի և Գլոբալ հարավի երկրների զինվորներին։
«Չեմ կարող հաստատել»,– ասել է Պեսկովը լրագրողներին՝ պատասխանելով համապատասխան հարցին։
Պեսկովի հիմնական հայտարարությունները
- Պուտինը դեսպանների հավատարմագրերի հանձնման արարողության ժամանակ ելույթ կունենա արտաքին քաղաքականության թեմայով։
- Կրեմլը համաձայն է Թրամփի դիրքորոշման հետ՝ խաղաղության գործընթացը խոչընդոտում է հենց Զելենսկին։
- Կիևյան ռեժիմի համար իրավիճակն օրեցօր վատթարանում է, որոշումներ կայացնելու «միջանցքը» նեղանում է։
- Զելենսկու համար եկել է պատասխանատվություն ստանձնելու և խաղաղությանը նպաստող որոշումներ կայացնելու ժամանակը, սակայն նա դա չի անում։
- Ռուսաստանը չի ստացել ԱՄՆ-ից պատասխան Պուտինի՝ ՍՆՎ-ի պայմանները երկարաձգելու նախաձեռնության վերաբերյալ, սակայն սպասում է դրան։
- Ավելի շահավետ ՍՆՎ պայմանագիր անհրաժեշտ է բոլորի համար, բայց դրա մշակումը բարդ և երկարատև գործընթաց է։
- Պուտինը նշել է, որ ՍՆՎ-ի փաստաթղթերում պետք է հաշվի առնվի նաև Արևմուտքի ողջ միջուկային ներուժը (Պեսկովը՝ Չինաստանը ներառելու ԱՄՆ ցանկության մասին)։
- Ռուսաստանը համարում է արդիական և անհրաժեշտ Ուկրաինայի հարցով ԱՄՆ-ի հետ երկխոսության շարունակումը, կապի ալիքները գործում են։
- Մոսկվան կարևոր է համարում ամերիկացիներին իրենց տեսակետները ներկայացնել այն քննարկումների վերաբերյալ, որոնք ընթանում են ուկրաինական հարցի շուրջ։
