Ուկրաինայի նախագահ Վոլոդիմիր Զելենսկին հայտարարել է, որ ԱՄՆ-ի հետ անվտանգության երաշխիքների վերաբերյալ երկկողմ փաստաթուղթն արդեն գրեթե պատրաստ է և սպասում է ամենաբարձր մակարդակով վերջնականացմանը։
Ըստ նախագահի՝ այս համաձայնագիրն առանցքային նշանակություն ունի ոչ միայն ռազմական պաշտպանության, այլև՝ երկրի տնտեսական վերականգնման և զարգացման տեսանկյունից։
Ուկրաինական կողմն արդեն ներկայացրել է պատերազմի դադարեցման հիմնարար շրջանակների իր տարբերակները, և այժմ ակնկալվում է, որ ամերիկյան կողմը կփորձի պարզել Ռուսաստանի իրական պատրաստակամությունը՝ դադարեցնելու ագրեսիան։
