Միջազգային
Ադրբեջանն ու Հայաստանը թափանցիկ ու հետևողական աշխատում են խաղաղության ամրապնդման ուղղությամբ․ Հաջիև
ԱՄՆ նախագահ Դոնալդ Թրամփի վարչակազմը աջակցություն է ցույց տվել Ադրբեջանի խաղաղ օրակարգին․ «The Washington Times»-ին հայտարարել է Ադրբեջանի նախագահի օգնական Հիքմեթ Հաջիևը, հաղորդում է «Report»-ը։
Հաջիևի խոսքով՝ ադրբեջանական կողմը բարձր է գնահատում, որ ԱՄՆ նախագահը անմիջապես արձագանքել է Ադրբեջանի խաղաղության նախաձեռնություններին, հատկապես Հայաստանի հետ հարաբերությունների կարգավորմանն, Կոնգրեսում 907-րդ հոդվածի փոփոխություններին և Ադրբեջանի հարաբերությունների զարգացման ուղղություններին Ռուսաստանի և Իսրայելի հետ։
Նրա խոսքով՝ 907-րդ հոդվածը, որը նախկինում սահմանափակումներ էր ներկայացնում, հակասում է խաղաղության ամրապնդմանը. «Ադրբեջանի և Հայաստանի կառավարությունները թափանցիկ ու հետևողական աշխատում են խաղաղության ամրապնդման ուղղությամբ, սակայն Կոնգրեսում որոշ դեպքերում առաջ են բերվում անտեղի և տարանջատող օրենսդրական նախաձեռնություններ»։
