Միջազգային
Աբրամովիչը հրաժարվել է «Չելսիի» վաճառքից ստացված գումարը փոխանցել Ուկրաինային
Ռուս միլիարդատեր Ռոման Աբրամովիչի ներկայացուցիչները հայտարարել են, որ «Չելսի» ֆուտբոլային ակումբի վաճառքից ստացված գումարը չի կարող փոխանցվել Ուկրաինային աջակցող բարեգործական հիմնադրամին, քանի դեռ բրիտանական Ջերսի կղզու կառավարությունը չի դադարեցրել Ռոման Աբրամովիչի դեմ հետաքննությունն ու դատական գործընթացը։
Ըստ The Times-ի՝ փոխանցումը վերաբերում է «Չելսիի» վաճառքից ստացված 2.35 միլիարդ ֆունտ ստեռլինգից 1.4 միլիարդ ֆունտ ստեռլինգի (մոտավորապես 1.6 միլիարդ եվրո) մասին։
Աբրամովիչը մտադիր է անտեսել Բրիտանիայի վարչապետ Քեյր Սթարմերի պահանջները՝ «Չելսիի» վաճառքից ստացված ամբողջ գումարի վերաբերյալ։ Թերթը պարզաբանում է, որ ռուս միլիարդատերը արդեն վարձել է փաստաբանների թիմ՝ դատական գործընթացներին մասնակցելու համար, այդ թվում՝ ԱՄՆ նախագահ Թրամփի նախկին խորհրդական Էրիկ Հերշմանին։
«Չելսիի» վաճառքից ստացված ողջ գումարը, ինչպես նաև 150 միլիոն ֆունտ ստեռլինգի տոկոսները, 2022 թվականից ի վեր սառեցվել են Աբրամովիչի «Fordstam Ltd» ընկերության բանկային հաշվին։ Ընդհանուր առմամբ, Ջերսիի դատարանները սառեցրել են ռուս գործարարին պատկանող ավելի քան 5.3 միլիարդ ֆունտ ստեռլինգ։
