Ուկրաինայի նախագահ Վոլոդիմիր Զելենսկին հայտարարել է, որ շուտով կհանդիպի ԱՄՆ նախագահ Դոնալդ Թրամփի հետ։
Ուկրաինայի նախագահը նաև իր սոցցանցերում հայտնել է, որ ԱՄՆ-ի հետ բանակցությունների ուկրաինական պատվիրակության ղեկավար Ռուստեմ Ումերովը նրան ներկայացրել է ԱՄՆ-ում իրենց վերջին հանդիպումների արդյունքները։
Ումերովը վերջերս Ֆլորիդայում զրուցել է Թրամփի հատուկ դեսպանորդներ Սթիվ Ուիթքոֆֆի և Ջարեդ Քուշների հետ։ Նրանք քննարկել են ԱՄՆ-ի կողմից մշակված և բազմաթիվ բանակցությունների ընթացքում փոփոխված խաղաղության ծրագրի մանրամասները։
«Մենք ոչ մի օր չենք վատնում։ Մենք համաձայնության ենք եկել մոտ ապագայում ամենաբարձր մակարդակով՝ նախագահ Թրամփի հետ հանդիպման շուրջ։ Շատ բան կարելի է որոշել մինչև Նոր տարի», - գրել է Զելենսկին։
