Վրաստանում ձերբակալվել է պետական անվտանգության ծառայության նախկին պետ Գրիգոլ Լիլուաշվիլին․ հայտնել է գլխ․ դատախազ Գիորգի Գվարակիձեն։
Նշվում է, որ Լիլուաշվիլին դատախազություն է ժամանել հարցաքննության համար, որը դեռ շարունակվում է։
Լիլուաշվիլին մեղադրվում է կաշառակերության և անօրինական զանգերի կենտրոնների ստեղծման մեջ, որոնցից ստացված եկամուտն ուղղվել է վրացական ընդդիմությանը։ Նրան սպառնում է 11-15 տարվա ազատազրկում։
Հոկտեմբերի 17-ին Վրաստանի գլխավոր դատախազությունը մի շարք խուզարկություններ է անցկացրել նախկին վարչապետ Իրակլի Ղարիբաշվիլիի, պետանվտանգության ծառայության նախկին պետ Գրիգոլ Լիլուաշվիլիի և նախկին գլխավոր դատախազ Օթար Պարցխալաձեի տներում։ Խուզարկությունների արդյունքում առգրավվել են տարբեր էլեկտրոնային սարքեր, փաստաթղթեր և մեծ չափով կանխիկ գումար։
