Միջազգային
Կորոնավիրուսի պատճառով Ադրբեջանը կրկին երկարացնում է ցամաքային սահմանների կարանտինը
Ադրբեջանը կրկին երկարաձգել է ցամաքային սահմաններին կարանտինը, որը սահմանվել էր դեռևս կորոնավիրուսի ժամանակ։ Այս անգամ՝ մինչև 2026 թվականի ապրիլի 1-ը՝ ժամը 06:00-ն:
«Որոշումը կայացվել է «երկրում կորոնավիրուսային վարակի (COVID-19) տարածումը և դրա հնարավոր հետևանքները կանխելու համար», - ասվում է որոշման մեջ։
Սա նշանակում է, որ Բաքու-Թբիլիսի երկաթուղային հաղորդակցության վերսկսումը կրկին հետաձգվում է:
Արդեն հինգ տարի է՝ Վրաստանից հարևան Ադրբեջան հնարավոր է հասնել միայն օդային ճանապարհով։ Ցամաքային սահմանը բաց է միայն բեռնափոխադրումների համար:
«Այն փաստը, որ մեր ցամաքային սահմանները վերջին տարիներին փակ են մնացել, մեզ փրկել է շատ լուրջ աղետներից։ Նույնիսկ այսօր, երբ սահմանները փակ են մնում, ձեռնարկվում են վտանգավոր գործողություններ, և դրանք դադարեցվում են։ Հետևաբար, սահմանային անվտանգությունը կպաշտպանի մեզ արտաքին ռիսկերից», - ասել էր Ալիևը։
Ադրբեջանն այժմ աշխարհում միակ երկիրն է, որի ցամաքային սահմանները չեն բացվել։
