Ուկրաինայի ԱԱՊԽ քարտուղար Ռուստեմ Ումերովը վերադարձել է Ուկրաինա և Զելենսկիին զեկուցել Մայամիում ԱՄՆ-ի հետ բանակցությունների արդյունքների մասին։
Ինչպես նշել է Զելենսկին, անվտանգության երաշխիքների, վերակառուցման և պատերազմի ավարտի հիմնական շրջանակի վերաբերյալ փաստաթղթերի նախագծերն արդեն պատրաստ են։
«Այսօր կետերը վերջնականապես մշակվել են՝ համապատասխանեցնելով պատերազմի ավարտի և ռուսական երրորդ ներխուժումը կանխելու նպատակին։ Բանակցությունների և հանդիպումների յուրաքանչյուր փուլ ամրապնդում է ուկրաինական շահերի անվտանգությունը», - ասել է Զելենսկին Ումերովի և Գնատովի զեկույցներից հետո։
