ՌԴ նախագահ Վլադիմիր Պուտինը պատրաստ է երկխոսություն սկսել Ֆրանսիայի նախագահ Էմանուել Մակրոնի հետ, ՌԻԱ Նովոստիին ասել է Կրեմլի խոսնակ Դմիտրի Պեսկովը։
«Նա ասել էր, որ պատրաստ է խոսել Պուտինի հետ։ Հավանաբար շատ կարևոր է հիշել, թե ինչ է ասել նախագահը ուղիղ կապի ընթացքում։ Նա նաև պատրաստակամություն է հայտնել երկխոսություն սկսել Մակրոնի հետ։ Հետևաբար, եթե կա փոխադարձ քաղաքական կամք, ապա դա կարելի է գնահատել միայն դրական», - նշել է Պեսկովը։
Ուրբաթ օրը Մակրոնը հայտարարել էր, որ եվրոպական երկրների համար օգտակար կլինի վերսկսել երկխոսությունը Ռուսաստանի ղեկավարության հետ։
Պեսկովը հավելել է, որ երկու առաջնորդների միջև հնարավոր շփումները պետք է լինեն միմյանց դիրքորոշումները հասկանալու փորձ, այլ ոչ թե դասախոսություններ կարդալու։
«Պուտինը միշտ պատրաստ է բացատրել իր դիրքորոշումները, մանրամասն, անկեղծորեն և հետևողականորեն բացատրել դրանք իր զրուցակիցներին», - հավելել է ՌԴ նախագահի մամուլի քարտուղարը։
