Նյու Ջերսիում երկու գնացքների բախման հետևանքով 17 մարդ է վիրավորվել, հաղորդում է New York Times-ը՝ հղում անելով NJ Transit-ի խոսնակ Ջոն Չարտիեին։
Կայքի տվյալներով՝ միջադեպը տեղի է ունեցել Մոնտկլերում ուրբաթ երեկոյան։ Բախման հետևանքով գնացքները դուրս են եկել գծերից։
Միջադեպի պատճառը դեռևս անհայտ է։ Ազգային տրանսպորտային անվտանգության խորհուրդը (NTSB) X սոցիալական ցանցում հրապարակված գրառման մեջ հայտարարել է, որ հետաքննություն է ընթանում։
