Եվրամիության առաջնորդները 16 ժամ տևած բանակցությունների ընթացքում չեն կարողացել համաձայնության գալ Ուկրաինային ֆինանսավորման մեխանիզմի շուրջ. Եվրոպայում սառեցված ռուսաստանյան ակտիվներից այն կհատկացվի, թե ոչ։ Միևնույն ժամանակ, ԵՄ-ը հաստատեց Կիևին 90 մլրդ եվրոյի ֆինանսական աջակցություն տրամադրելու որոշումը՝ Եվրամիության բյուջեով ապահովված վարկի ձևով։
«Հաստատվել է Ուկրաինային 90 մլրդ եվրոյի աջակցության տրամադրումը 2026–2027 թվականների համար»,- գրել է ԵՄ գագաթնաժողովի նախագահ Անտոնիու Կոշտան իր սոցիալական էջերում։
Ֆինանսավորման աղբյուրների վերաբերյալ Կոշտան մանրամասներ չի հայտնել։ Reuters-ի տվյալներով՝ նախատեսվող գումարը կգոյանա կապիտալի շուկաներից ներգրավվող և ԵՄ բյուջեով ապահովվող վարկառությամբ։
