Ռուսաստանի Դոնի Ռոստով և Օրյոլ քաղաքները գիշերը ենթարկվել են ուկրաինական անօդաչու թռչող սարքերի և հրթիռների հարձակման։
Մոնիտորինգային խմբերը հայտնել են Օրյոլի ՋԷԿ-ի վրա հարվածների մասին։ Տեղի բնակիչների խոսքով՝ եղել է երկու հրթիռային հարված՝ մեկը՝ ՋԷԿ-ի, մյուսը՝ տրանսֆորմատորային սարքավորումների վրա։ Քաղաքի մի մասը հոսանքազրկվել է։
Կան նաև հաղորդագրություններ, որ Դոնի Ռոստովի վրա հրթիռային հարվածի հետևանքով քաղաքի մի մասում էլեկտրաէներգիայի անջատումներ են եղել։
