71 տարեկանում Ջեյմս Քեմերոնը դարձել է միլիարդատեր: Forbes-ը ռեժիսորի կարողությունը գնահատում է 1.1 միլիարդ դոլար։
Հրապարակման համաձայն՝ իր նոր կարգավիճակով Քեմերոնը միանում է միլիարդատեր ռեժիսորների կարճ ցանկին՝ Ջորջ Լուկասին, Սթիվեն Սփիլբերգին, Փիթեր Ջեքսոնին և Թայլեր Փերիին։
Քեմերոնին մյուս հարուստ ռեժիսորներից տարբերում է այն, որ նրա եկամուտը հիմնականում գալիս է իր ֆիլմերից, այլ ոչ թե արտաքին ներդրումներից կամ բիզնեսից: Քեմերոնի ֆիլմերը միասին վաստակել են գրեթե 9 միլիարդ դոլար։
Forbes-ը կանխատեսում է, որ Քեմերոնը կարող է 200 միլիոն դոլար վաստակել «Ավատար. Կրակ և մոխիր» ֆիլմից, որի համաշխարհային պրեմիերան կկայանա 2025 թվականի դեկտեմբերի 19-ին։
Ավելի վաղ Ջեյմս Քեմերոնը խոսել էր ստուդիայի հետ «Ավատար» ֆիլմի հինգերորդ մասի թողարկման շուրջ վեճերի մասին:
