Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը Աշխաբադում կայացած բանակցությունների ընթացքում մտքեր են փոխանակել տարածաշրջանային և միջազգային հարցերի շուրջ․ հայտնել է Ռուսաստանի նախագահի մամուլի քարտուղար Դմիտրի Պեսկովը։
Ռուսաստանի և Թուրքիայի ղեկավարների հանդիպումը տեղի է ունեցել ուրբաթ օրը Աշխաբադում՝ երկու երկրների պատվիրակությունների մասնակցությամբ։ Հանդիպումը տևել է 40 րոպե։
«Կայացել է նաև մտքերի մանրամասն փոխանակում Ուկրաինայի, տարածաշրջանային և միջազգային հարցերի շուրջ», - լրագրողներին ասել է Պեսկովը։
Կողմերը քննարկել են նաև ռուսական ակտիվները ԵՄ-ի կողմից օգտագործելու խնդիրը։
«Կարծիքներ են փոխանակել եվրոպացիների ձգտումների վերաբերյալ, որոնք են ռուսական ակտիվներով մեծածավալ խարդախություն իրականացնելը։ Նախագահը տվել է դրա վերաբերյալ հայտնի գնահատականը», - լրագրողներին ասել է Պեսկովը։
