Միջազգային
Կոբախիձեն և Ասադովը քննարկել են էներգետիկ անվտանգության ոլորտում տարածաշրջանային համագործակցությունը
Վրաստանի վարչապետ Իրակլի Կոբախիձեն հանդիպել է Ադրբեջանի վարչապետ Ալի Ասադովի հետ։
Հանդիպմանը քննարկվել են Վրաստանի և Ադրբեջանի միջև ռազմավարական գործընկերությունը և տարբեր ոլորտներում համագործակցության խորացման դրական դինամիկան։
«Շեշտադրվել է աճող առևտրատնտեսական համագործակցությունը և տարածաշրջանային նախագծերը, որոնք Վրաստանն ու Ադրբեջանը համատեղ իրականացնում են։
Կողմերը քննարկել են Միջին միջանցքի զարգացման կարևորությունը և այս ոլորտում գործընկերության խորացման հեռանկարները, ինչպես նաև էներգետիկ անվտանգության ոլորտում տարածաշրջանային համագործակցության ամրապնդումը։
«Վարչապետը ևս մեկ անգամ վերահաստատել է Վրաստանի պատրաստակամությունը՝ երկխոսության միջոցով նպաստելու տարածաշրջանում երկարատև խաղաղության և կայունության ապահովմանը», - ասվում է Վրաստանի վարչապետի մամուլի ծառայության հաղորդագրության մեջ։
Վրաստանի և Ադրբեջանի վարչապետների հանդիպումը տեղի է ունեցել Թուրքմենստանում։
