Ադրբեջանի նախագահ Իլհամ Ալիևը շնորհակալություն է հայտնել ԱՄՆ նախագահ Դոնալդ Թրամփին, որը ՀՀ վարչապետ Նիկոլ Փաշինյանին և Ադրբեջանի նախագահին ուղղված նամակում գնահատանքի խոսքեր էր ասել՝ իրեն Նոբելյան խաղաղության մրցանակի առաջադրելու համար։
«Հակամարտությունների կարգավորմանը Ձեր անսասան նվիրվածությունը, երկխոսության խթանմանը Ձեր անձնական ներգրավվածությունը և աշխարհի տարբեր մասերում լարվածության նվազեցմանը Ձեր ներդրումը, իմ խորին համոզմամբ, լիովին արժանի են բարձրագույն միջազգային ճանաչման, այդ թվում՝ Նոբելյան խաղաղության մրցանակի։
Ձեր առաջնորդությունը, որը հիմնված է վճռականության և պատասխանատվության վրա, մարմնավորում է համաշխարհային խաղաղության խթանման գործին իսկական ծառայություն։
Ես վստահ եմ, որ մեր գործընկերությունը՝ շարունակական երկխոսության և համագործակցության միջոցով, կնպաստի մեր երկրներում և դրանից դուրս խաղաղության, անվտանգության և բարգավաճման ամրապնդմանը»,- ասվում է Ալիևի նամակում։
