ԱՄՆ կառավարությունը աջակցում է Իրաքի՝ «Արևմտյան Քուրնա-2» նավթահանքում Lukoil-ի բաժնեմասը ամերիկյան ընկերությանը փոխանցելու ծրագրին, հաղորդում է Bloomberg-ը՝ հղում անելով ԱՄՆ Պետդեպարտամենտի խոսնակին։
«Արևմտյան Քուրնա-2» հանքավայրը արտադրում է Իրաքի նավթի մոտավորապես 10%-ը։ Հաղորդագրության համաձայն՝ անցյալ շաբաթ Իրաքի նավթի նախարարությունը դիմել է ամերիկյան ընկերություններին՝ հանքավայրի վերահսկիչ բաժնեմասը գնելու առաջարկով։
Նախարարությունը չի նշել, թե որ ընկերություններն են ներգրավված։ Սակայն, Bloomberg-ը հաղորդում է, որ ամերիկյան ընկերությունները, այդ թվում՝ Exxon Mobil Corp.-ը և Chevron Corp.-ը, հետաքրքրություն են հայտնել Lukoil-ի ակտիվները ձեռք բերելու հարցում։ Անանուն աղբյուրի համաձայն՝ Իրաքը այս դեպքում կնախընտրեր Exxon-ին, քանի որ նախկինում այն մշակել էր հարևան՝ «Արևմտյան Քուրնա-1» հանքավայրը։
Ավելի վաղ՝ դեկտեմբերի 2-ին, Reuters-ը, հղում անելով Իրաքի հինգ անանուն աղբյուրների, հայտնել էր, որ Exxon-ը բանակցություններ է վարում «Արևմտյան Քուրնա-2» հանքավայրում Lukoil-ի ակտիվները գնելու համար։ Lukoil-ը տիրապետում է հանքավայրի 75%-ին, իսկ Իրաքի հյուսիսային նավթային ընկերությունը՝ մնացած 25%-ին։
