Թաիլանդը հայտարարել է, որ երկու երկրների վիճելի սահմանին ավիահարվածներ է հասցրել կամբոջական ռազմական թիրախներին: Նա դա անվանել է պատասխան կամբոջական զորքերի հարձակմանը։
Ըստ թայլանդական տվյալների՝ կիրակի օրը երկու թաիլանդցի զինվոր է զոհվել, ևս չորսը վիրավորվել են:
Կամբոջան հերքել է, որ իր զորքերը հարձակվել են թաիլանդցիների վրա։ Նա պնդել է, որ թաիլանդցիներն առաջինն են հարձակվել, իսկ կամբոջացիները ձեռնպահ են մնացել պատասխան գործողություններից։
Հիշեցնեն, որ Կամբոջայի և Թաիլանդի միջև սահմանային վեճը երկար պատմություն ունի, և հերթական սրացումը տեղի ունեցավ հուլիսին, երբ սահմանին մարտերը շարունակվեցին հինգ օր և խլեցին տասնյակ կյանքեր:
Այնուհետև կողմերը ստորագրել են հրադադարի մասին համաձայնագիր՝ Մալայզիայի միջնորդությամբ։ Այդ ջանքերին միացել է նաև ԱՄՆ նախագահ Դոնալդ Թրամփը. նա զանգահարել է երկու երկրների առաջնորդներին և սպառնացել ընդհատել սակագնային բանակցությունները նրանց հետ, եթե մարտերը չդադարեն:
