Հունգարիայի վարչապետ Վիկտոր Օրբանը հայտարարել է, որ Հունգարիայի և Ռուսաստանի ներկայիս ղեկավարությունները զգալի աշխատանք են իրականացրել երկկողմ հարաբերությունների զարգացման ուղղությամբ։
«Այսօր իմ և Ռուսաստանի նախագահի՝ Վլադիմիր Պուտինի հանդիպումը արդեն 14-րդն է։ Կարծում եմ՝ պատմական այս փուլին համապատասխան մենք իսկապես մեծ ներդրում ենք կատարել մեր ժողովուրդների համագործակցության ամրապնդման գործում։ Եվ անկեղծորեն հույս ունեմ, որ դեռ շատ բան ունենք անելու»,-նշել է Օրբանը՝ Կրեմլում Պուտինի հետ բանակցությունների ընթացքում։
