Միջազգային
Քանի դեռ Զելենսկին նախագահ է Ուկրաինան չի հրաժարվի իր տարածքներից. Երմակ
28 Նոյեմբերի 2025, 10:38
Ուկրաինան չի հրաժարվի իր տարածքներից խաղաղության դիմաց, ասել է Ուկրաիանայի նախագահի աշխատակազմի ղեկավար Անդրեյ Երմակը The Atlantic-ի հետ հարցազրույցում։
«Այսօր ոչ մի ողջամիտ մարդ չի ստորագրի տարածք զիջելու մասին փաստաթուղթ։ Քանի դեռ Զելենսկին նախագահ է, ոչ ոք չպետք է սպասի, որ մենք տարածք կզիջենք։
Նա չի ստորագրի տարածք զիջելու մասին փաստաթուղթ։ Սահմանադրությունն արգելում է դա։ Ոչ ոք չի կարող դա անել, եթե չի ցանկանում հակասել Ուկրաինայի Սահմանադրությանը և ուկրաինացի ժողովրդին», - հայտարարել է նա։
Երմակը նշել է, որ Ուկրաինան պատրաստ է քննարկել միայն այն, թե որտեղով պետք է անցնի պատերազմող երկրների կողմից վերահսկվող տարածքները սահմանազատող գիծը:
