ՌԴ նախագահ Վլադիմիր Պուտինը անդրադարձել է Ուկրաինայում հակամարտության դադարեցման՝ ԱՄՆ ծրագրին։
«Ժնևի բանակցություններից հետո որոշվել է խաղաղության ծրագրի 28 կետերը բաժանել չորս մասի։
Ռուսաստանն ընդհանուր առմամբ համաձայն է, որ Ուկրաինայի վերաբերյալ ԱՄՆ կետերի ցանկը կարող է հիմք հանդիսանալ ապագա համաձայնագրերի համար»,- ասել է նա։
Ըստ նրա՝ Ուկրաինայի հարցով նախագիծը պետք է թարգմանվի «դիվանագիտական լեզվով»․ ներկայումս որոշ կետեր ծիծաղելի են հնչում։
«Ռուսաստանը տեսնում է, որ ԱՄՆ-ն ընդհանուր առմամբ հաշվի է առնում իր դիրքորոշումը։ Ուկրաինայի հարցով խաղաղության ծրագրի յուրաքանչյուր բառ պետք է լուրջ քննարկվի»,- ընդգծել է նա։
Պուտինը պնդել է նաև, որ Ռուսաստանի կողմից Եվրոպայի վրա հարձակվելու հնարավորություն չկա, և դրանք անհեթեթություններ են։
