Դոնալդ Թրամփը այս շաբաթ զանգահարել է Ճապոնիայի վարչապետ Սանաե Տակաիչիին և խորհուրդ տվել նրան չսադրել Չինաստանին Թայվանի հարցում։
Այս մասին հաղորդել է Wall Street Journal-ը՝ հղում անելով ճապոնացի պաշտոնյաներին և զանգին ծանոթ մի ամերիկացու։
Հրապարակման համաձայն՝ Թրամփը խոսել է Տակաիչիի հետ այն բանից հետո, երբ Չինաստանի նախագահ Սի Ծինփինը զանգահարել է ԱՄՆ նախագահին և քննարկել Չինաստանի պատմական պահանջները Թայվանի նկատմամբ, ինչպես նաև՝ Վաշինգտոնի և Պեկինի համատեղ պատասխանատվությունը համաշխարհային կարգի պահպանման համար։
Տակաիչին նոյեմբերի սկզբին հայտարարել էր, որ Չինաստանի կողմից Թայվանի վրա ենթադրական հարձակումը կարող է Ճապոնիայի կողմից ռազմական պատասխան առաջացնել, ինչը դիվանագիտական վեճ է առաջացրել Չինաստանի հետ։
WSJ-ն նշում է, որ Թրամփը ճնշում չի գործադրել Տակաիչիի վրա՝ հետ վերցնելու իր մեկնաբանությունները և եղել է բավականին զուսպ։
Միևնույն ժամանակ, Տոկիոն հաստատել է հեռախոսազրույցը, բայց հրաժարվել է մեկնաբանել այն հաղորդագրությունները, որ ԱՄՆ նախագահը ճնշում է գործադրել ճապոնական ղեկավարության վրա։
