Միջազգային
Խաղաղության պլանը կրճատվել է․ Աբու Դաբիում ռուսների հետ կքննարկվի նոր նախագիծը
ԱՄՆ բանակի քարտուղար Դեն Դրիսկոլը Աբու Դաբիում փակ հանդիպում կունենա ռուսաստանյան պաշտոնյաների հետ՝ ներկայացնելու ԱՄՆ-Ուկրաինա վերջին բանակցություններում ձևավորված խաղաղության վերանայված նախագիծը։ Հանդիպմանը չի մասնակցելու ո՛չ պետքարտուղար Մարկո Ռուբիոն, ո՛չ էլ մյուս ամերիկացի բանակցողները, ինչը գործընթացը դարձնում է առավել բարդ և զգայուն։
Դրիսկոլը Մոսկվային է փոխանցելու նախնական 28-կետանոց խաղաղության պլանի կրճատված՝ մոտ 19 կետից բաղկացած տարբերակը, որտեղից հանվել են ամենախնդրահարույց դրույթները, ներառյալ Դոնբասի նկատմամբ ռուսական վերահսկողության ճանաչումը։ Այդ հարցերը թողնվել են նախագահներ Թրամփի և Զելենսկու մակարդակով քննարկելու համար։
Թրամփի վարչակազմը հայտարարել է, որ վերջին տասը ամիսներին իր թիմը միասնական աշխատում է «կայուն և վերահսկելի» խաղաղության հասնելու ուղղությամբ։
