Միջազգային
Ծինպինը Թրամփին հայտնել է խաղաղության ծրագրի վերաբերյալ իր դիրքորոշումը
Չինաստանի նախագահ Սի Ծինպինը հեռախոսազրույց է ունեցել ԱՄՆ նախագահ Դոնալդ Թրամփի հետ, հաղորդում է Չինաստանի կենտրոնական հեռուստատեսությունը։
Երկու առաջնորդները, ի թիվս այլ հարցերի, քննարկել են ուկրաինական ճգնաժամը։ Ծինպինը ընդգծել է խաղաղության հասնելուն ուղղված բոլոր ջանքերի աջակցությունը։ Նա նաև հույս է հայտնել, որ կողմերը կշարունակեն «հարթեցնել իրենց տարաձայնությունները» և որ հնարավորինս շուտ կկնքվի «արդար, երկարատև և պարտավորեցնող» խաղաղության համաձայնագիր՝ «այս ճգնաժամի արմատական պատճառը լուծելու համար»։
Ծինպինը նշել է նաև, որ նախորդ ամիս Բուսանում կայացած հանդիպումից ի վեր Չինաստան-ԱՄՆ հարաբերությունները, ընդհանուր առմամբ, կայունացել և բարելավվել են։ Նա նշել է, որ Չինաստանը և ԱՄՆ-ն «և՛ շահում են համագործակցությունից, և՛ կորցնում են առճակատումից»։
Չինաստանի առաջնորդը նաև պարզաբանել է Պեկինի դիրքորոշումը Թայվանի վերաբերյալ՝ նշելով, որ կղզու վերադարձը Չինաստանին «հետպատերազմյան միջազգային կարգի կարևոր մասն է»։
