ՌԴ ԶՈՒ-ն վաղ առավոտյան հրթիռներով մասսայական հարձակման է ենթարկել Կիևը։ Հարվածներ են հասցվել բնակելի շենքերին և էներգետիկ օբյեկտներին, հայտնում են տեղի իշխանությունները։
Կենտրոնական Պեչերսկի շրջանում վնասվել է բազմաբնակարան շենք։
Արևելյան Դնիպրովսկի շրջանում հրդեհ է բռնկվել 9 հարկանի բնակելի շենքում։
Նախնական տվյալներով` կա 6 զոհ, 12 վիրավոր:
Ուկրաինայի էներգետիկայի նախարարությունը հաստատել է էներգետիկ ենթակառուցվածքների հարված ստանալը՝ առանց մանրամասնելու վնասի ծավալը։
Հարձակումը տեղի է ունեցել Ժնևում կիրակի օրը ԱՄՆ-ի և Ուկրաինայի ներկայացուցիչների միջև Թրամփի ներկայացրած ռուս-ուկրաինական խաղաղության պլանի շուրջ բանակցություններից հետո։
Ուկրաինական պատվիրակության անդամ Օլեքսանդր Բևզը երկուշաբթի Associated Press-ին հայտնել է, որ բանակցությունները եղել են «չափազանց կառուցողական» և կողմերը կարողացել են քննարկել գրեթե բոլոր կետերը։
