Իտալիայի հյուսիսային Մանտուա նահանգի ոստիկանությունը բացահայտել է 57-ամյա խարդախի, որը երեք տարի թաքցրել է մոր մարմինը՝ թոշակ ստանալու նպատակով։ Ըստ Rainews24-ի՝ դեպքը տեղի է ունեցել Բորգո-Վիրջիլիո քաղաքում։
2022 թվականին մոր՝ բնական պատճառներով մահից հետո, մասնագիտությամբ բժշկական աշխատող տղամարդը շարունակել է ստանալ նրա կենսաթոշակը բանկային հաշվին՝ օգտվելով այն փաստից, որ միայնակ է ապրում գյուղական վայրում։
Երբ կնոջ անձնագրի ժամկետը լրացել էր, տղամարդը փորձել էր այն անձամբ երկարաձգել։ Նա գնացել էր քաղաքապետարան՝ կանացի հագուստով, ձևացնելով, թե իր հանգուցյալ մայրն է։ Դիմահարդարումն ու կեղծամն աննկատ չեն մնացել սպասարկող անձնակազմի կողմից, ովքեր զանգահարել են ոստիկանություն։
Տղամարդու տանը հայտնաբերվել է կնոջ մումիան։ Ըստ Rainews-ի՝ դիակը գտնվել է հյուրասենյակում, իսկ ըստ Stampa-ի՝ այն պահվում էր նկուղում։ Արձանագրվել է, որ բժիշկը մասնագիտական հմտությունները կիրառել է մարմնի հեղուկները հեռացնելու համար։ Դատախազությունը մեղադրանք է ներկայացրել՝ դիակի թաքցնելու, անձի փոխարինման, թոշակային ծառայությունների կեղծիքի և մենթալ խարդախության համար։
