ՌԴ փոխարտգործնախարար Միխայիլ Գալուզինը նոյեմբերի 21-ին հանդիպել է Ադրբեջանի դեսպան Ռահման Մուստաֆաևի հետ՝ քննարկելու Կիևում Ադրբեջանի դեսպանատանը հասցված վնասը, որի կապակցությամբ Ռուսաստանն «անկեղծ ափսոսանքն» է հայտնել։
Մոսկվան հայտարարել է, որ վնասը, ամենայն հավանականությամբ, եղել է Ուկրաինայի ՀՕՊ միջոցների (ենթադրաբար՝ «Patriot» հրթիռի) ոչ ճիշտ աշխատանքի հետևանք, և հերքել է ադրբեջանական օբյեկտները թիրախավորելու մեղադրանքները։
Բանակցությունների ընթացքում հաստատվել է երկկողմ կապերի զարգացումը, և Ռուսաստանը շեշտել է Բաքվում ձերբակալված 11 ռուսաստանցիների անհապաղ ազատման անհրաժեշտությունը։
Քննարկվել են նաև հայ-ադրբեջանական կարգավորմանն աջակցելու հարցերը և «3+3» տարածաշրջանային հարթակի աշխատանքը։
