Ֆուտբոլի սուպերաստղ Կրիշտիանու Ռոնալդուն նախօրեին մասնակցել է Սպիտակ տան պաշտոնական ընթրիքին, որտեղ ԱՄՆ նախագահ Դոնալդ Թրամփը հյուրընկալել է Սաուդյան Արաբիայի արքայազն Մուհամմադ բին Սալմանին։
Ելույթի ժամանակ Թրամփը անդրադարձել է նաև Ռոնալդուի ընդունելությանը և դիմել է պորտուգալացի ֆուտբոլիստին։
«Իմ որդին Ռոնալդուի մեծ երկրպագուն է։ Եվ Բարոնը (Թրամփի որդին) հանդիպեց նրա հետ, և կարծում եմ, որ նա հիմա մի քիչ ավելի շատ է հարգում իր հորը, պարզապես այն փաստի համար, որ ես Ձեզ ծանոթացրի», - ասել է Թրամփը։
Ավելի վաղ Թրամփը հայտարարել էր, որ պատիվ է Ռոնալդուին հյուրընկալելը։
Հանդիպմանը Ռոնալդուի դերը ընդգծվում է, քանի որ ֆուտբոլիստը, ով խաղում է սաուդյան «Ալ Նասր» ակումբում, խորհրդանշում է սպորտի և դիվանագիտության կապը։
Նա նաև հանդիպել է FIFA-ի նախագահ Ջաննի Ինֆանտինոյի հետ, քանի որ Թրամփը վերջերս ակտիվորեն զբաղվում է 2026թ. աշխարհի առաջնության կազմակերպմամբ (որը կանցկացվի ԱՄՆ-ում, Կանադայում և Մեքսիկայում)։
